«

»

Oct 30

Sawè, polu, volu

Sawè ? Polu ? Volu ?
Qui ça fuche yunk ou l’ôte,
C’èst ayi ou bin c’èst non !
Sawè : dji saî, c’è-st-auji,
Djè l’ di si dj’ vou èt dji m’ taî si dji n’ vou nin !
Polu : c’èst l’ min.me afaîre,
Djè l’ faî si c’èst m’-n-idéye !
Volu : co parèy,
C’èst mi qui dècide !
Seûlemint,
Si dji n’ saî nin èt qu’ dji n’ pou nin,
Dji pou toudi sayi … si dj’ vou !
C’èst nin seûr qui ça ’nnîra,
Mins dj’auraî faît m’ possibe !
Si dji n’ vou nin,
Min.me si dj’ saî, min.me si dj’ pou,
Dji nè l’ fraî nin !
Sawè, polu,
C’èst nin ça l’ pus impôrtant,
Pou arivè à ène saqwè,
Nos l’ divans toufêr … volu !

Lien Permanent pour cet article : http://www.jihenef.be/2007/10/30/sawe-polu-volu/

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser les balises HTML suivantes : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>