«

»

Oct 30

Què disse ?

In gamin,
Ène bauchèle,
Quand is s’ vèyenut,
È scole ou bin ôte pau …
Què disse ?
In djon.ne ome,
Ène djon.ne fèye,
Au bal, au cabarèt,
Ou co bin su l’ vôye …
Què disse ?
Èn-ome,
Si camarâde,
Qu’ ça fuche è l’usène,
Ou bin au burau …
Què disse ?
Deûs viyès djins,
Après ostant d’anéyes,
Sins jamaîs s’awè r’vèyu,
Binauje di s’ rèscontrè …
Què disse ?
Qu’on n’ s’a pus vèyu,
Dispus dès-ans èt dès razans,
Ou bin seûlemint dispus in djoû,
Èt min.me èn-eûre …
Què disse ?
Ène bièsse quèstion,
Sins mèzaumènes,
Djusse pou sawè,
Comint ç’ qui l’ôte va …
Què disse ?
Djusse deûs mots,
Qui moustèrenut d’ l’intérêt,
Èt tanawète in vraî plaiji,
Di vèy l’ôte …
Què disse ?

Lien Permanent pour cet article : http://www.jihenef.be/2007/10/30/que-disse/

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser les balises HTML suivantes : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>