Mossieû Pèchon

Mossieû Pèchon vout ‘nnalè à Brussèle,
I vout vèy l’ Atomium èt li « Heysel » !
I l’ vout fé dispû brâmint dès-anéyes,
Nèlu n’ li poureut fé candji d’idéye !
Mins vos v’là div’nu complètemint rwèd sot !
Di-st-èle si moman au p’tit rigolo !
Vos ‘nnaurez pou l’ mwins’ pou cint kilomètes,
Comint-ce qui vos-ènnirez ? A bèrwète ?
I n’ mi faut qui r’montè l’ Moûse, pa Dinant,
Èt après Lîdje, dj’ènniraî pa l’ canal !
Saquantès-eûres à nadji, dins l’ courant,
Èt dji s’raî co bin rade è l’ capitale !
Seûlemint, su l’ vôye da nosse Mossieû Pèchon,
In pècheû aveut stî mète in molon !
Eûreûsemint, pou l’ boune fin di noste istwêre,
Li boulome, éh bin, c’èsteut in Brusselêre !

Lien Permanent pour cet article : https://jihenef.be/2007/10/30/mossieu-pechon/