L’uch

I gn-a brâmint dès-uchs,
I gn-a d’ totes lès cougnes.
I gn-a dès grands, dès p’tits, dès laudjes, dès strwèts !
I gn-a dès roudjes, dès bleuws, dès vèt’s èt co bin dès blanks !
I gn-a l’uch di fiêr èt l’uch di bwès,
I gn-a l’uch di vile èt l’uch di viladje !
I gn-a l’ uch « IMATA » su lès tatamis,
Èt l’uch « UAIA » à l’ tèlèvision.
I gn-a dès-uchs qu’on vwèt voltîy,
I gn-a d’s-ôtes qu’on vwèt èvi !
I gn-a l’uch di nosse dêrène bauye,
I gn-a l’uch du Paradis !
I gn-a dès-uchs qu’on sère,
I gn-a dès-uchs qu’on douve,
I gn-a dès-uchs pou mouchi,
I gn-a dès-uchs pou vûdî !
Mins quand on-z-a vûdi …
On-z-è-st-à l’uch !