«

»

Oct 30

Li Rocking-chame

Li Rocking-chame…
Qwè-ce qui c’èst d’ ça ?
Ç’ n’èst nin ène bièsse èt co mwins’ èn-oucha,
C’èst pou dansè quand on-z-èst raplapla,
Èt s’amûsè sins boudjî sès-ôrtias !
Pou l’ Rocking-chame…
Faut ène tchèyêre !
On s’achîd d’ssus avou sès pîds à l’ têre,
Pwîs on skeût s’ tièsse avou sès brès è l’aîr,
Tot d’meurant là avou s’ drî bin paujêre !
Au Rocking-chame…
Dji n’ vos di qu’ ça :
I gn-a in nawe qui n’in.me nin lès Polkas,
Qui tchante li Rock, come li freut in cokia,
D’zeû l’ansènî avou s’ pédale Wawa !
Li Rocking-chame, …
C’èst dè l’ musike !
Ène crausse baterîye èt dès sons élèctrikes,
Ène basse guitare come dins l’ soul d’Amèrike !
C’èst l’ Rock ’N’ Roll qui nos vint dè l’ Bèljike !
Li Rocking-chame, …
Djè l’ vwè voltîy !
Dansè d’achîd, mi, ça m’ faît bin plaîji,
’nnalè au bal sins jamaîs mi scrandi,
Dji su d’acwârd èt djè lî di ayi !

Lien Permanent pour cet article : http://www.jihenef.be/2007/10/30/li-rocking-chame/

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser les balises HTML suivantes : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>