«

»

Oct 30

Li p’tite moman

A pwin.ne skèpyi,
Dèdjà su s’ lit !
I pout bwèrlè …
Sins s’ djokè …
Èle li carèsse,
Come ène covrèsse !
Èle li rapauje,
Avou ène bauje !
Aviè èn-an,
Li p’tite moman,
Dwèt li r’nètyi,
Èt li r’fachi,
Li d’nè l’ tètéye,
Èt fé l’ buwéye !
C’èst scrandichant,
In p’tit-èfant !
Èpwîs, c’èst li scole,
Avou dès bèlès croles,
Ène nouve malète,
Èt dès bounès galètes !
I lî faut ‘nnalè,
C’èst lèye qui braît !
Djusqu’à doze eûres,
Pupont di p’tit keûr !
Preûmîre anéye,
Co ène banseléye !
Li grande sicole
V’là qu’il èvole
I n’î tûze nin,
Lèye ni dit rin …
Mins èlle èst toudi vêla,
Pou l’ sôrti foû d’ sès tracas !
Oh, èlle a bin vèyu,
Qu’il a crèchu,
Mins quand il ènn aura dandji
Èle continûwera à l’aîdi,
Èt sins pont fé d’ brût,
Èt co mwins’ di disdût,
Pou l’ rèstant di s’ vikaîrîye,
Èle li vèra voltîy !

Lien Permanent pour cet article : http://www.jihenef.be/2007/10/30/li-ptite-moman/

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser les balises HTML suivantes : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>