«

»

Oct 30

Ène djon.ne coumére di brâmint dès-ans

On d’vint vîy !
Ayi, quékefîye !
Ou bin non !
C’èst l’ vraî qui tos l’s-ans,
On ’nn a yunk di pus !
Lès-ouchas n’ sont pus fwârts solides,
Lès djonteures faîyenut ène miyète di brût,
Èt l’ tchau n’èst pus di preûmîre qualitè !
Lès tch’vias pièdenut leûs coleûrs,
Lès-ouys ni font pupont d’ clignètes,
Èt lès-orèyes ni sièvenut pus qu’a t’nu lès bèrikes !
On bwèstîye quékefîye tanawète,
Èt astampè, on z-èst pa-côp di crèsse !
Mins ç’ n’èst nin ène raîson pou ièsse vîy !
Li djon.nèsse, èle vike dins l’ didins d’ nos-ôtes,
C’èst dins nos tièsses qu’èle dwèt d’meurè !
On pout ièsse vîy à tot-âdjes,
Èt djon.ne à cint-ans !
Adon, si vos rèscontrez in vîy djon.ne ome di vint-ans,
Dijez lî qui vos,
Vos-èstez ène djon.ne coumére…
Di brâmint dès-ans !

Lien Permanent pour cet article : http://www.jihenef.be/2007/10/30/ene-djon-ne-coumere-di-bramint-des-ans/

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser les balises HTML suivantes : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>