«

»

Oct 30

Dji m’ vwè voltîy

Lès djins n’ pinsenut qu’à m’ fé du mau,
À m’ dîre qu’ dji su pètè sot !
Qui dji n’a rin didins m’ tièsse,
Èt qu’ dji n’ pinse qu’à fé l’ fièsse !
Qui dji su à mitan djondu,
Èt di pus mau foutu !
Qui dji n’ su qu’in djon.nia,
Qui n’a nin sès cink coutias !
Èt qw’èst-ce qui dj’è pou,
Si dj’ su in laîd tchirou !
Si dj’a m’ cwârps tot d’ triviè,
Èt mès tch’vias tot-èvolès !
Èm grosse dôye di sclimbwagne,
Qui n’ djond nin min.me li dagne !
Si m’ tchau èst ramolîye,
Èt m’ chine tote cabouyîye !
Èst-ce di m’ difaute si dj’a mès-ouys,
Ossi nwârs qu’èl bèrdouye !
Si dj’a lès-orèyes da m’ matante,
Èt l’ boudène da m’ popa Zante !
Dji su come dji su,
Pont d’avance di m’è v’lu !
Qui dj’ fuche laîd ou bin bia,
Apollon ou bin sbara,
Abiyî ou bin tot nu,
Dji m’ vwè voltîy come dji su !

Lien Permanent pour cet article : http://www.jihenef.be/2007/10/30/dji-m-vwe-voltiy/

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

Vous pouvez utiliser les balises HTML suivantes : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>