Au pus lon qui m’ keûr pou vèy

Scrît après awè choutè « Old and Wise » da « The Alan Parson Project » èt après awè li « Grand-père a mal au coeur » da Jean-Marie Gayet

Au pus lon qui m’ keûr pout vèy,
Gn-a dès nuwâdjes qui s’aprotchenut.
À tos lès cias qui dj’ laî pa-drî,
Dji vou leûs dîre qu’ ç’ n’èst nin fini :
Dj’a faî m’ possibe pou ièsse eûreûs,
Èt s’mè l’ bouneûr pa-t’t-avau tot,
Asteûre dji m’ va ’nnalè pou d’ bon …
Ritrovè l’ céne qui dj’ vwè voltîy !
Au pus lon qui m’ keûr pout vèy.
Gn-a dès nuwâdjes au d’zeu di m’ tièsse.
À tos lès cias qui dj’a conu,
Dji pou leûs dîre qui dj’ va moru :
Mins dji n’ vou nin qu’on s’ mète à braîre,
Dj’a ieû tant d’ djwès dins m’ vikaîrîye,
Asteûre dj’ èva rwèdemint la-wôt …
Ritrovè l’ céne qui dj’ vwè voltîy !
Au pus lon qui m’ keûr pout vèy,
C’èst plin solia dins li stwèlî.
À tos lès cias qui dj’a laîyi,
Dji pou leûs dîre qui rin n’ fini :
À zèls, su l’ têre, djè laî l’ sovenance,
Èt plin d’éspwêrs dins mès-èfants,
Dji pou bin r’mète mi keûr à s’-n-auje …
Dj’a r’trovè l’ céne qui dj’ vwè voltîy !

Lien Permanent pour cet article : https://jihenef.be/2007/10/30/au-pus-lon-qui-m-keur-pou-vey/